Бүгін біз табысты оқушыларды қолдау жолында маңызды қадам жасадық!
Halyk Bank-пен бірлесіп, оқушыларды ынталандыруға бағытталған жаңа бағдарламаны іске қосу туралы меморандумға қол қойдық. Бұл бастама олардың оқуға деген қызығушылығын арттыруға көмектеседі.
Енді біздің облыс мектептерінің 5-11- сынып оқушылары өз жетістіктері үшін Halyk бонустарын ала алады: электрондық күнделіктегі әрбір 10 ұпай шотқа 100 бонус ретінде түседі. Бағдарламаға қатысу үшін Halyk easy картасының болуы және ата-аналардың Bilimal платформасы арқылы бағаларды беруіне келісімі қажет.
Жиналған бонустарды POS-терминалдар мен Halyk QR арқылы сатып алу кезінде, сондай-ақ Halyk қосымшасында түрлі қызметтерге, соның ішінде ұялы байланыс төлемдеріне пайдалану мүмкіндігі бар.
Бұл жоба тек оқуға ынтаны арттырып қана қоймайды, сонымен қатар:
- Оқушыларға жоғары нәтижелері үшін нақты сыйақы алуға мүмкіндік береді.
- Қаржылық сауаттылықты дамытып, өз қаражатын басқаруға үйретеді.
- Ақшаға жауапкершілікпен қарау дағдыларын қалыптастырады.
Бұл бастама экономикалық тұрғыдан саналы және қаржысын дұрыс басқара білетін ұрпақ тәрбиелеуде маңызды рөл атқаратынына сенімдіміз!
Halyk Bank бонус сыйлайды!
