08.11.24ж күні Гимназияда 8 «А», 9 «А», 9 «Ә», 10«Б», оқушыларымен Қарағанды қаласының ПБ ППП рота командирінің орынбасары полиция капитаны Ерасыл Сәбитұлы Мұрат, аға жедел уәкілі полиция майоры Айсауле Жеңісқызы, есірткі қылмыстарына қарсы іс- қимыл бөлімінің аға жедел уәкілі полиция подполковнигі Ольга Мельникова, ӘПБ ЖТИБ тобының аға мемавтоинспекторы полиция майоры Руслан Қайырбекұлы Құсайынов “Есірткіге жол жоқ”, “Буллинг” тақырыбында профилактикалық әңгіме өткізді. Полиция қызметкерлері оқушыларға құқықтық тәртіптің маңыздылығын түсіндіріп, қоғамдағы қауіпсіздікті қамтамасыз ету үшін қандай шаралар қолданылатынын айтып берді.
Сонымен қатар, өздерінің күнделікті қызметтері мен азаматтарға көмек көрсету барысындағы тәжірибелерімен бөлісті. Оқушылардың құқықтық сауаттылығын арттыру мақсатында полиция өкілдері заңдарды білу және оларға бағынудың маңыздылығын ерекше атап өтті.
Кездесу екіжақты диалог түрінде өтті, бұл оқушылардың құқық қорғау қызметіне деген қызығушылығын оятып, болашақта құқық саласына қатысты мамандықтар туралы ойлануға ықпал етті деген ойдамыз.