Көптеген онжылдықтар бойы Қарағанды бокс мектебі өзінің тәрбиеленушілерімен және олардың бүкіл әлемге жасаған жетістіктерімен танымал. Бокс сабақтары жастардың бойында дұрыс патриоттық тәрбие беру үшін қажетті ең жақсы адамгершілік, дене және психологиялық қасиеттерді дамытуға мүмкіндік береді. 17-21 желтоқсан аралығында Серік Сәпиев атындағы бокс орталығында КСРО спорт шебері және ҚазКСР еңбек сіңірген жаттықтырушысы Ғалым Жарылғаповты еске алуға арналған бокстан халықаралық турнир өтеді. Жарысты бағалауға халықаралық санаттағы төрешілер келеді. Біріншілік 1884 жылдан бері өткізіліп келеді және оның жеңімпаздары Василий Жиров, Болат Жұмаділов, Ермахан Ибраимов, Аркадий Топаев, Игорь Шишкин, Анатолий Александров, Олег Маскаев, Бекзат Саттарханов, Геннадий Головкин, Серік Елеуов, Серік Сәпиев сияқты қазақстандық ринг шеберлері болды.
Халықаралық турнир қарсаңында біздің қалаға Кубадан спорттық делегация келді. Бокстан Куба құрамасының Қарағандыға келуі осы спорт түрінің барлық әуесқойлары үшін маңызды оқиға екені сөзсіз. Екі апта бойы шетелдік былғары қолғап шеберлері үшін Әлия Молдағұлова атындағы мектеп-интернат-колледж залында оқу-жаттығу жиындары өтеді.
15 желтоқсанда Куба боксшыларының спорттық делегациясы "№3 Гимназия"КММ оқушыларымен кездесті.
Гимназистер боксшыларға қызықты сұрақтар қойды. Балалар екі дүркін Олимпиада финалисті, төрт дүркін әлем чемпионы Хуан Эрнандес Сьерраның біздің Олимпиада чемпионы Ермахан Ибраимовпен жекпе-жегі туралы әңгімесін таңданыспен және мақтанышпен тыңдады. Хуан Эрнандес Сьерра қазақстандық боксшылардың жоғары шеберлігін атап өтті.
Кездесу соңында мектеп Парламентінің басшылары қонақтарға Қарағанды қаласы бейнеленген кәдесыйлар мен гимназия логотипін табыс етті.
Біздің оқушымыздың әкесі Нұрғалым Жарылғаповқа, республиканың бокстан еңбек сіңірген жаттықтырушысы Нұрғазы Жарылғаповқа Кубадан келген боксшылармен кездесу ұйымдастырғаны үшін үлкен алғысымызды білдіреміз.
КУБАДАН БОКСШЫЛАР
