2023 жылдың 19 қаңтар күні Қарағанды облысы білім басқармасының ұйымдастыруымен кезекті ата-аналар жиналысы онлайн форматта өтті. Күн тәртібінде бүгінгі таңда өзекті мәселелердің бірқатары талқыланды.
Жиналыс барысында балалар мен ата-аналардың құқық бұзушылықтар мен қылмыстар жасағаны үшін әкімшілік және қылмыстық жауаптылығы сияқты өзекті мәселе талқыланды. Бұл туралы Қарағанды облысының кәмелетке толмағандар жөніндегі мамандандырылған ауданаралық сотының судьясы Қ.Ысқақбаев айтып берді.
Соңғы уақытта жалған терроризммен байланысты құқық бұзушылықтардың саны артып келеді. Терроризм актісі туралы жалған сын-қатерлер үшін жауапкершілік туралы полиция майоры, полиция департаменті жергілікті полиция қызметі басқармасының аға инспекторы А. Омарова баяндады.
Сондай – ақ, бүгінгі таңда маңызды мәселелердің бірі-кәмелетке толмағандардың есірткі заттарын қолдануы мен таратуы талқыланды. Синтетикалық есірткінің жаңа түрлері және алдын алу шаралары туралы ІІД есірткі қылмысына қарсы күрес бөлімінің бастығы, полиция полковнигі А.Бузук айтып берді.