Қаңтардың 30-ы, Қарағанды қаласының қақ ортасында орналасқан,  жақсы білім мен өнердің арқасында есімі көпке таныс № 3 гимназияда қазақ тілі мен әдебиеті мұғалімдеріне арналған « мемлекеттік тілді деңгейлеп меңгерту барысында өз ойын жеткізе алатын жеке тұлғаны қалыптастыру» тақырыбында қалалық семинар өтті.Семинарда қаламыздың біршама мектептерінің тіл мамандары қонақ болды.

                  Іс –шараны құттықтау сөзімен гимназиямыздың директоры Бейбітгүл Ұзақбаевна Мұқашева ашып беріп, кафедра ұжымымен, ұжымның жұмыстары және жетістіктерімен таныстыруға сөзді кафедра жетекшісі , 10 жылдан аса  қызмет өтілі бар  І санаттағы тіл маманы Айжан Тлеубековна Сабитова алса , сондай –ақ 13 жыл қызмет өтілі бар, директордың ОТЖ орынбасары, І санаттағы қазақ тілі мен әдебиеті пәні мұғалімі Меруерт Маратовна Рымбекова жоғарыда аталып өткен семинардың тақырыбының баяндамасымен ортаға шықты.

                  Семинардың  екінші бөлігін  « Менің туған жерім» атты тақырыппен  5 -сыныпқа Жансая Шарапатова Шарапатовна , « Қоршаған  ортаны қорғау» тақырыбымен 6- сыныпқа Гүлшат Талғатбековна Серғазина , 10- сыныпта

« Қазақстан аймақтары» нәтиже сабағымен Әлия Жұмабековна Мустояпова ашық сабақ беру арқылы іс- тәжірибелерімен бөлісуімен жалғастырды.

                  Үшінші кезеңде директордың ТЖ орынбасары,қазақ тілі мен әдебиеті пәнінің мұғалімі Маржан Набиевна Набиеваның ұйымдастыруымен гимназиямыздың әр- түрлі ұлт өкілдері оқушылары « Тіл – достықтың дәнекері» атты тақырыпқа сүйене , сахналық қойылым қойып қана қоймай , басқа да өнерлерін паш етіп , қонақтарымызға жақсы көңіл күй сыйлап , алғыстарына ие болды.

                  Қорытындылау кезеңінде Қалалық Білім Бөлімінің әдіскері Мейрамгүл Кенжеғалиевна Жакишева бастаған қонақтарымызға сөз берілді. Сөз алып , сабақтарды талдаған қонақтарымыздың алды жас мамандар болса, басым көпшілігі кем дегенде 15- 20 жыл еңбек өтілдері бар жоғары санаттағы әріптестеріміз болды. Барлығы бірауыздан  бағдарлама мен сабақтың тақырыбының тұспа –тұс келгенін , ұстаздардың білімділігі мен біліктілігін , оқушылардың қазақ тіліне деген артқан ынталарын, олардың қазақ тілінде сөйлей алатындарын ерекше атап айтты. Сабақтардан ұстаздар мен оқушылардың жаңа технологияны жетік  меңгергендерін байқағандарымен қоса ,өздеріне де керекті көп жаңалықтар алғандықтарын ризашылықтарымен жеткізді.

                  Жалпы айтқанда сәрсенбінің сәтті күні өткізген калалық семинарды өте жоғары деңгейде өткенін мақтан тұтып айтсақ артық болмас, оған кеш қонақтары куә.

Қазақ тілі мен әдебиеті мұғалімі Құралай Маратовна Рымбекова.