Қазақ тілінің дамуы заман талабаны сай өзгеріп отырғаны тарихтан мәлім. Тарихқа жүгінетін болсақ, қазақ халқы өзге түркі халықтары сияқты бірнеше ғасыр бойы, яғни ХХ ғасырдың басына дейін араб жазуын пайдаланды. 1928 жылы араб әріпі – латын әріпімен, 1940 жылы кириллицамен ауыстырылған болатын.  Қазіргі уақытта мемлекетіміз латын әліпбиіне көшуге дайындық үстінде. Дүниежүзілік ақпарат саласында латын әліпбиінің oрны ерекше. Сондықтан латын әліпбиінe көшу  еліміз үшін аса маңызды деп ойлаймын. Себебі әлемнің 70 % елдері латын жазуы арқылы білімді игеріп, ғылыми зерттеулермен танысуда. Латын әліпбиіне өтудің қазақ тілінің мемлекеттік тіл ретіндегі мәртебесін көтеруге ықпалы зор. Себебі тіліміз басқа елдердің тілдерімен бірдей деңгейде тұрады, оған қоса, өзге елдермен және шетте жүрген қандастарымызбен қарым-қатынас жасауға өте тиімді. Мен латын әліпбиіне көшуді қолдаймын.

Тарих мұғалімі Аяфова Г.Е.