16.02.21 күні «Өнегелі өмір» жобасы аясында ұйымдастырылған сұхбат спорт саласына, салауатты өмір салтын насихаттауға арналды. Бүгінгі сұхбатымыз – танымал ММА шебері, джиу-джитсудан спорт шебері және грэпплингтан Азия чемпионы, аралас жекпе-жектен халықаралық турнирлердің бірнеше дүркін чемпионы, «Сағадат батыр» спорт клубының негізін қалаушы, жаттықтырушы Орынбасаров Нұрсұлтан Жұмабайұлымен өткізілді. Нұрсұлтан Жұмабайұлы сұхбат барысында өзінің спорт саласындағы жетістіктерімен, өнеге-үлгісімен, өмірлік тәжірибесімен бөлісті. Кездесуге қатысқан Қарағанды қаласының «Мағжан Жұмабаев атындағы №39 мектеп гимназиясы», №3 гимназияның оқушылары, ұстаздары мен ата-аналары спорт саласында қызықтырған сұрақтарына жауаптарын алып, кездесуден үлкен әсерде қалып, алғыстарын білдірді. Нұрсұлтан Жұмабайұлы бүгінгі тікелей эфирге өз уақытыңызды бөлгеніңіз үшін алғысымызды білдіреміз! Өскелең ұрпақтың жүрегіне от жағып, тағылымы мол сұхбат бердіңіз. Сізге шығармашылық табыс пен ісіңізге сәттілік тілейміз!