Бүгінгі өткен «ХХІ ғасыр - сауатты ұрпақ ғасыры!» оқу сауаттылығы апталығының «Кітап – өмір ұстазы» айдарында «Ыбырай – шағын әңгіме шебері» деген атпен гимназия оқушылары Ыбырай Алтынсарин шығармаларынан сахналық қойылым көрсетті.
Ыбырай Алтынсарин шығармалары – тәрбиенің алтын діңгегі. Ақын шығармаларының беташары оқуға шақырудан басталып, оның әлеуметтік мәнін түсіндіру болса, сонымен қатар негізгі тақырыбының бірі – еңбек.
Кейде сәл нәрсені қомсынып, оған көңіл бөлмеушілік, «аз жұмысты қиынсынып», бойкүйездікке салынушылық өмірде көп кездеседі. Сондықтан балаларды жастайынан –ақ бойкүйездікке, жалқаулыққа қарсы еңбекке тәрбиелеу Ыбырай шығармаларының басты тақырыбы болған. Осы орайда бүгінгі оқушылардың сахналық қойылымы жастарды еңбек етуге дағдыландыру, еңбекті дәріптеу болып табылды. Іс-шара соңы қазақтың ұлы ақыны Абай Құнанбайұлының: «Еңбек етсең ерінбей, тояды қарның тілінбей»-деген ұлағатты нақыл сөзімен тәмамдалды.