20.01. гимназиямызда «ХХІ ғасыр – сауатты ұрпақ ғасыры!» Оқу сауаттылығы апталығының ІІІ күні « Оқу сауаттылығы және заманауи қоғам» бөлімі бойынша іс-шаралар өткізілді.
⠀
Оқушылардың логикалық ойлауын, ой дәлдігін дамыту, әсіресе орыс тілді сыныптарда сөйлеу мәдениетін жетілдіру, түрлі ойындар арқылы іздендіре отырып шығармашылыққа баулу негізінде «Жаңылтпаш жаңылма!» танымдық ойын сабағы өтсе, халқымыздың сөз өнері мақал-мәтелдердің мағынасын ұғып, ойда сақтап, ата-баба өсиетін ұмытпай, сөз саптауларын жетілдіруге тәрбиелеу және жұмбақ жасыру арқылы ой-өрісін кеңейту, шапшаңдыққа үйретуде 5 «ғ» қазақ сыныбы арасында «Мың бір мақал, жүз бір жұмбақ» сайысы өтті.
⠀
Сөз қадірін ұғынуға, сөз астарын дұрыс түсіну, әдемі, шешен сөйлеуге дағдыландыру мақсатында 11 «ә» сынып оқушылары «Әйтеке бидің сыншылдығы» тақырыбында сахналық қойылым көрсетті.
⠀
Бүгінгі өткен іс-шаралардың берер тағлымы мол, тәрбиелік мәні зор болды.