Қарағанды облысы білім беруді дамытудың оқу-әдістемелік орталығының ұйымдастырып отырған «Оқу сауаттылығы» апталығы аясында Қарағанды облыстық тілдерді оқыту орталығының директоры, Тіл жанашыры, тіл үйретуде бірнеше ірі жобалардың авторы Игенова Алмагүл Ақмашқызымен бүгін кездесу өтті.
⠀
Мемлекеттік тілдің қолдану аясын кеңейту, тіл мәртебесін көтеру, жастардың тілге, кітап оқуға деген сүйіспеншілігін арттыру, дамыту мақсатында өтілген сұхбат көрермендердің көңілінен шықты.
⠀
Алмагүл Ақмашқызы ана тілін білудің маңызын түсіндіріп, көрермендерді мемлекеттік тілді ардақтай білуге, өз ойын толық жеткізе алатын білімді, саналы, жан-жақты, рухани бай азамат болуға шақырды.
Кездесуді жоғары деңгейде өткізген N 3 гимназияның 7 «А» сынып оқушысы Татриев Дениге және бастамамызды қолдап, сұхбатты ұйымдастыруға үлес қосқан "Қарағанды қаласының мәдениет, тілдерді дамыту, дене тәрбиесі және спорт бөлімі" ММ үлкен алғыс білдіреміз!
