12 наурызда қалалық білім бөлімінің "Бір отбасы- бір кітап" акциясы аясында N 3 гимназияда "Абайдың рухани достары" атты ой- талқы өтті. Аталған шараға қаламыздың № 1, 3, 38, 93, 97 гимназиялары мен 2 лицейдің оқушылары, ұстаздар және ата-аналар қауымы мен бірге қадірменді қонақтардан білім бөлімінің маманы Г.Қ.Мукашева, Орталық Қазақстан газеті редакторының орынбасары Е.К.Мұсабеков, жас ақын, журналист Қ.Б.Ғалым қатысты. Ой- талқы барысында ұлы ақын Абайдың рухани достары мен аударма шығармалары төңірегінде сөз етілді. Оқушылар орыс, шығыс зиялыларының Абай Құнанбаевқа берген құнды пікірлерімен танысып, ой-бөлісті. Сонымен қатар, қатысушылар орыс әдебиетінің майталмандары А.С.Пушкиннің, И.А. Крыловтың, М.Ю.Лермонтовтың, шығармаларын екі тілде тамашалап, қызу талқыға түсті. Өскелең ұрпақтың Абай шығармаларын оқып қана қоймай, шығарма төңірегінде ой-талқыға қатысқандарына келген қонақтар оң бағаларын беріп, алғыс білдірді. Гимназия директоры Б.У.Мукашева ой-талқымыздың қонақтарға тың идеялармен бөлісіп, ақын шығармаларынан сыр шертетін құнды пікірлер айтып, жас ұрпақты тәрбиелеуде қосқан үлестері үшін алғыс білдірді.

Шараның соңын гимназия оқушылары Абайдың әні "Көзімнің қарасын" француз тілінде шырқады.
#КММ№3ГИМНАЗИЯ
#НұрсұлтанНазарбаевДаңғылы25#
#kgu_gimnaziya_3