"Өнегелі өмір" жобасы аясында 11 наурыз күні гимназия оқушылары Қарағанды қаласының беделді азаматы, ақын-композитор, әнші Марат Бекишевпен кездесті. Туған қаласының нағыз патриоты оқушыларға өзінің өмір жолымен таныстырып өтті. Әнші өзінің бала кезіндегі бірқатар қызықты оқиғалармен бөлісті. Оқушылар қонақты сұрақтың астына алып, өнер жолындағы табысымен танысты. Шығармашылығының басым бөлігін сүйікті қаласына арнаған композитор туған өлкесіне деген ыстық махаббатын әндері арқылы жеткізетінін айтты. Шара барысында Марат Бекишев гимназияның талантты оқушыларының өнерін тамашалады. Өте позитивті өткен кездесуде оқушылар, ата-аналар, мектеп қызметкерлері тамаша көңіл-күйге бөленді. Кездесудің соңында 4а сынып оқушылары әншінің "Қарағанды" әнін бірге орындады.