«Қаржылық сауаттылық» апталығы және «Өнегелі өмір» жобасы аясында гимназиямыздың оқушылары «НұрСана» оқыту орталығының негізін салушы, кәсіпкер Құттыбаева Жанна Қайратовнамен кездесті.

⠀
Жанна Қайратовна кәсіпкерлік қызметтің ерекшеліктері туралы айтып, кәсіпкерліктің құпиясымен бөлісті.
⠀
Балалардың: -Бизнесті қалай бастау керек, бастапқы капиталды қайдан алуға болады, жарнаманың қандай құралдары ең тиімді?- деген сұрақтарына жауап берді.
⠀
Сонымен қатар, оқушылар бизнес жүргізудің қыр-сырын, бизнесмен сипатын шыңдайтын табыстар мен сәтсіздіктер туралы білді.
⠀
Жанна Қайратовна сұрақтарға жауап бере отырып, табысты кәсіпкердің басты қасиеттері еңбекқорлық, өмір бойы білім алу мен өзін-өзі жетілдіру екенін атап өтті.
⠀
Оқушыларымыз үшін қаржылық сауаттылықтарын арттырған кездесу болды.