Бүгін 21 ақпан күні «Өнегелі өмір» жобасы аясында гимназиямыздың ұстазы Ырысбек Қарлығаш Ырымбайқызының ұйымдастыруымен 2 «Ғ» сынып оқушылары Қазақстан Республикасы Журналистика Одағының мүшесі Рымтай Шөкейқызымен кездесу өткізілді.

Рымтай Шөкейқызы өзінің өмірі, балалық шағы, өмірлік ұстанымы жайлы сыр шертті. Журналистика мамандығының қыр-сырын игерген Рымтай Шөкейқызы журналистика саласының қиындығы мен қызығы жайлы да баяндады. Абырой арқалаған қарымды журналист оқушыларға айтқан өнегелі сөздері мен кеңестері оқушылардың жүректерінен орын ала білді.
Оқушылар өздерін толғандырған сұрақтарына тұщымды жауап алды.
Кездесуден соң балалар Ұлы Абай атамыздың 175 жылдық мерей тойына жаттаған өлеңдерін, тақпақтарын және қара сөздерін оқыды. Абайдың «Көзімнің қарасы» өлеңін орындаған Шөкен Расул, «Қыс» өлеңін оқыған Уәлихан Айша, « 37-ші Қара сөзін» оқыған Ермек Саржан ерекше көзге түсті. Оқушылар үшін бұл кездесудің маңыздылығы ерекше болды.