Гимназиямыздың мұғалімі Жақсыбекқызы Әйгерімнің ұйымдастыруымен жетістік пен табысқа жеткен тұлғалардың іс-тәжірибесімен, бейнесімен танысу арқылы жас ұрпаққа патриоттық тәрбие беру мақсатында «Өнегелі өмір» жобасы аясында мектебімізде қоғам қайраткері, Абайтанушы, композитор, ҚР журналистер одағының мүшесі, Қарағанды облысының "Рухани жаңғыру" жобалық кеңсесінің бас менеджері Мұсабеков Бақытқали Мұхамедқалиұлымен керемет кездесу өтті.
Мейірім мен иман нұры жүзінен төгіліп тұрған, өте қарапайым, жайсаң жанды ағамыз мұғалімдер мен шәкірттерге өмірлік рухани азық болатындай құнды ақыл-кеңестерін айтты. Оқушыларды өз күшіне сенімді болып, мақсаттарына айқын қадам басуына, еркін болуға және өмірде өз орындарын таба білуге баулыған жоғары деңгейдегі тағылымы мол кездесу болды.

Бақытқали Мұхамедқалиұлы кездесу соңында өзінің авторлық кітаптарына қолтаңбасын қалдырып, мектебіміздің кітапханасына сыйға тартты.

Ел тұтқасын ұстап, халқыңызды қорғап, жастарға жанашыр болып арамызда жүре беріңіз, қадірлі АҒА!