2020 жыл Волонтерлер жылына орай "Через вселенную" жастар қорының мүшелері гимназияның 6-7 сынып оқушылары арасында "Ел экологиясы және жастар" тақырыбында ісшара өткізді. Шара барысында қонақтар өздерінің атқарып жүрген қоғамдық істерін атап, қордың мақсаты мен бағыттарын түсіндірді. Оқушыларды әр істе көмек беруге және "Атаңнан ат қалғанша, тал қалсын" ұранымен көктемде жас тал егуге шақырды. Жастар қорының мүшелері өз өнерлерімен бөлісіп, әннен шашу шашып, оқушыларға позитивті көңіл-күй сыйлады. Кездесу өте үлкен әсер қалдырды.