3 гимназияда қалалық білім бөлімінің ұйымдастыруымен қазақ тілі мен әдебиетінен орыс мектептерінің жас мамандарына арналған қалалық семинар өтті. Семинар тақырыбы: "Қазақ тілі мен әдебиеті сабағында қалыптастырушы бағалаудың тиімді әдіс-тәсілдері". Семинарды мектеп директоры Б.У. Мукашева мен ББ әдіскері А.Е. Қадыр ашты. Б.У. Мукашева семинарға келген қонақтарды жақсы көңіл күймен қарсы алып, семинардың тақырыбы қазіргі таңда қоғам үшін үлкен мәселе екенін тиек етті. ББ әдіскері А.Е. Қадыр жас мамандарды 509 бұйрықпен таныстыра отырып, жас мамандарға бағыт- бағдар берді.Қаланың басқа мектептерінен келген жас мамандарды екі кабинетке орналастырып, мектеп мұғалімдері Қ. А. Алькеева мен А.У. Оспанова коучинг өткізді. Келген қонақтар коучинг өткізген мұғалімдерге керемет көңіл күй сыйлағандарына риза болып, алғыстарын білдірді.