«Өнегелі өмір» жобасы аясында №3гимназия шаңырағында қазақ журналистикасына 40 жылдай еңбегі сіңген, жат елде жүріп, қазақ журналистикасының көш ілгерлеуіне зор үлес қосқан қазақтың қайсар қызы Сағат Сыдыққызы Батырханова оқушылармен өзінің жүріп өткен ғибратты жолы, еңбегі жайында ой бөлісті. Сағат апайдың шығармашылық жолындағы жетістігі, адами ғұмырындағы азаматтық ажары сөз болды. Гимназия оқушылары көкейлерінде жүрген журналистика саласына байланысты көптеген сұрақтарына жауап алды. Бүгінгі сұхбаттың берер тағлымы мол болды. Оқушылар рухани байып, өмірлеріне керек құнды мағлұматтармен сусындады.