«Жетістік фомуласы» жобасы аясында және «1 қазан-Қарттар күніне» орай №3 гимназия білім ордасында «Үлкендер жолы – ұлылық, ұрпағы жүрер ұғынып!» тақырыбында 5ә,7ә-сыныптарында ашық сынып сағаты өтті. Сынып сағатының қадірлі қонағы- Жексенбиева Бижамал Жексенбиевна- Қарағанды қаласының құрметті ардагері, қазақ қыздарынан шыққан тұңғыш велошабандоз.  Сынып сағатының алғашқы сөзін гимназия директоры Мукашева Бейбіткүл Ұзақбаевна алып, Бижамал Жексенбиевнаны келе жатқан мерекемен құттықтап, жылы лебізін білдірді.  7ә-сынып оқушылары Бижамал апай туралы жинаған мәліметтерін, презентацияларын көрсетті. Оқушылар Бижамал апайдан көкейiндегi сұрақтарына жауап алды.

Бижамал Жексенбиева велосипед спортынан Кеңес одағының спорт шебері атағы мен республика құрама командасының мүшесі болған тұңғыш қазақ қызы. 1958-1961 жылдары Ташкентте, Грозныйда өткен жарыстарда чемпион атануы оның мерейін үстем етіп, ел құрметіне бөленуіне септігін тигізген. Орта Азия чемпионатында да жүлдеге қол жеткізген. Бойында қайсарлық бар Бижамал апай осылай биік белестерді бағындырып, қазақ спортының тарихы беттерінен ойып орын алды. Ардагер велошабандозшы алғаш жеңіске жеткендегі әсерімен бөлісті.

Сынып сағаты барысында оқушылар Бижамал апайға ән айтып, би билеп, домбыраның құлағында ойнап, ардагеріміздің көңілін көтерді.