04.09.19ж. Абай атындағы Қарағанды облыстық балалар кітапханасында ұстаздар әулетінен шыққан мектебіміздің жас ұстазы Әйгерім Жақсыбекқызы және оның анасы Искакова Кульзипаның қатысуымен «Ұстаз-ұлы есім» атты оқушылармен кездесу болды.

      «Ұяда не көрсең, ұшқанда соны ілерсің» демекші, Әйгерім Жақсыбекқызы өзінің Ұстаздар әулетінен шықққанын мақтаныш етеді. Салмақты саланың салмағын біле тұра, жүрек қалауымен  «Ұстаз» деген атқа ие болуына себепкер болған анасы мен ағасына алғысын айтты.

         Кездесуге №74 және №13 мектептің оқушылары қатысты. Кездесуде ұстаздар оқушыларға педагогтың  мамандығы-қазіргі әлемдегі ең маңыздысы деген ойды жеткізу: мұғалімдік қызметтің ерекшеліктері мен қиындықтарын ашу; балалардың мұғалімге және оның еңбегіне құрметпен қарауға тәрбиелеу жайлы сөз қозғалды. Оқушылар ұстаздарға көкейіндегі сұрақтарын қойып, тұщымды жауап алды.

       Кеш соңында оқушылар мұғалім тақырыбында өлеңдер оқып, әннен шашу шашты. Оқушылар әдемі кездесуден кейін мұғалім мамандығына қызығып «мұғалім боламын» деп алдарына мақсат қойып, ризашылықпен үйлеріне тарасты.

            Кітапхана басшысы Б.Уатаева  Әйгерім Жақсыбекқызы және анасы Искакова Кульзипаға шығармашылық табыс тілеп, алғыс хатпен марапаттады.

       «Алты алаштың баласы бас қосса, төрдегі орын мұғалімдікі»-деп халқымыздың біртуар ұлы Мағжан Жұмабаев айтқандай, ұстазға құрмет көрсету – білімге құрмет көрсету болып табылады.  Білім берген ұстаздарымызды құрметтейік!