22 қазан -29 қазан аралығында №3 гимназияда «Қамқоршылар күні» апталығы өтті. Апталық «Бала бөтен болмайды» ақпараттық тақтамен ашлып, көптеген деректермен, қажетті ақпараттармен толықтырылды.  «Жылы жүрек» акциясы болды. Бұл акцияға барлық ата аналар мен оқушылар қатысты. Оған арнайы тақта бөлініп жылы лебіздер мен тілектер жазылды.

Қамқоршыларға арналған мереке гимназиямыздың акт залында өтті. Мерекені гимназия әлеуметтік педагогы Кадирбаева Балапан Сериковна ұйымдастырып жүргізді. Мерекеге барлық қамқыршылар мен мектеп мұғалімдері және оқушылар қатысты. Мереке би шашумен басталып, ән жырмен жалғасты. Арнайы алғыс хатпен қамқоршыларды директордың тәрбие ісінің орынбасары Набиева Маржан Набиевна марапаттады. Қамқорлыққа алынған балалар өздерінің ойластырып келген сыйлықтары мен және шығарған өлең шумақтарымен құттықтап, қамқоршыларға табыс етті.  Жылы лебізін білдіру үшін қамқоршы Солдатова Ольга Васильевна сөз алып, өзінің мұғалімдерге, басшыларға жалпы гимназия өміріне алғысының шексіз екенін атап айтты. Мереке әсем әнмен аяқталды.

Қалалық білім бөлімінен келген арнайы алғыс хат қамқоршы Кабенов Мақсатбек Бауыржанұлын директордың міндетін атқарушы оқу ісі жөніндегі орынбасары Шумилина Ольга Николаевна арнайы марпаттады.