«№25 ЖББОМ»КММ 4 қазан күні қазақ тілінің латын әрпіне көшуін насихаттауға арналған «Латын әліпбиіне көшу - заман талабы» атты ата-аналар жиналысы өткізілді. Жиналысты мектеп басшысы Капасова А.К. ашты. Айтжамал Калиевна ата-аналар қауымына латын әліпбиіне көшудің терең логикасы бар екендігін, бұл қазіргі заманғы технологиялық ортаның, коммуникацияның, сондай-ақ, ХХІ ғасырдағы ғылыми және білім беру үрдісінің ерекшеліктеріне байланысты, - деп Елбасы айтқандай латын әліпбиіне көшу – заман талабы. Ал ғалымдарымыз осы қаріпті қолдану арқылы әлемдегі ең дамыған өркениетті елдермен тереземізді теңестіре аламыз деген пікірлеріне толық қосылатындығын айтты. Одан әрі мектептің тарих мұғалімі Муксинова Б.Ж. мен орыс тілі мұғалімі Рахимова Р.Р. қазақ тілінің латын әліпбиіне көшуінің маңыздылығы, латын әліпбиінің тарихы, болашақтағы қажеттілігі жайында ақпарат берді.
Жиналыс барысында ата-аналардың қойған сұрақтарына толық жауап берілді. Ата-аналар осы мәселенің толық шешілуіне сенімділік танытып, қолдау көрсетті.
Байланыс телефондары
