15  желтоқсанда  мектепте «Қазақстан Республикасының Тәуелсіздігіне 25 жыл», «Тәуелсіздік тұғыры», «Тәуелсіздікке тағзым» тақырыбында ашық тәрбие сағаттары өткізілді. Сынып сағаттары Отанды сүюге, туған еліне, жеріне деген сүйіспеншілігін арттыру, әсемдікке, жауапкершілікке, елге, жерге деген патриоттық сезімдерін ояту, елінің мұрасын жалғастырушы азамат болуға тәрбиелеу мақсатында өтті.Оқушыларға Тұңғыш Президент Н.Ә.Назарбаевтың Тәуелсіздіктің 25 жылындағы ғаламат көшбасшылығымен қол жеткізілген Қазақстанның тамаша табыстарын айғақтайтын аса жарқын да сенімді цифрларға назар аударды.
    Біздің еліміз әлемдегі аса дамыған 50 елдің қатарына енді; «Осынау тарихи белестер Жаңа Қазақстандық Патриотизмді ұрпақ жадына сіңіруде айрықша рөлге ие  болғандығы жөнінен айтылды. Біз 2015 жылды Қазақстан халқы Ассамблеясы жылы деп жарияладық. Елдің тұтастығы мен бірлігі, татулығы мен тыныштығы ең басты назарда. Ел Бірлігі — біздің барша табыстарымыздың кілті. Тұрақты дамудың Қазақстандық моделі бүгінде бүкіл әлемге үлгі. Тәуелсіздігіміздің 25 жылдық мерейтойын және халықаралық EXPO-2017 көрмесін табысты өткізіп, еліміздің әлеуетін әлемге паш етеміз. Ұлы жолдағы сапарымыз сәтті, болашағымыз жарқын болсын! Баршаңызға «Нұрлы жол» Жолдауын жүзеге асыруда табыс тілеймін!» — деп Елбасымыздың сөзімен қорытындылады. Сынып сағаттарында оқушылар тақпақтары мен өлеңдерін айтты. Сонымен қатар кітапхана жетекшілері Тусупбекова К.,Буланбекова Р. кітап көрмелерін ұйымдастырды.Оқушыларға «Тәуелсіздік шежіресінен» көп  мағлұмат беріп,қойылған сұрақтарына жауап берді.Өткізілген іс-шаралар мақсатына жетті.