2016 жылдың 18 қараша айында «Зорлық-зомбылықсыз 16 күн» атты дүниежүзілік  акция аясында зорлық – зомбылық пен әлімжеттіліктің алдын алу мақсатында Қарағанды қаласының  № 25 ЖББОМ  орта буынның оқушыларымен «Зорлық-зомбылықсыз әлем» атты психологиялық топтық сағат өткізілді.

Психологиялық сағаттың мақсаты – қиын жағдаяттарда баланың позитивтік жүріс-тұрысын қалыптастыру, тұлғаның ішкі потенциалдық мүмкіндіктерін жұмылдыру.

Кіріспе бөлімінде амандасу  және өткізілетін психологиялық жаттығулар мен ойындарының жоспарлау кезендері кірістірілді.

Топтық талдауында мектепте және одан тыс жерлерде сыныптастар немесе басқа адамдардың құдалауына, шабуылына душар болған балалардың өмірі туралы бейнематериал көрсетілді. Қатысушылар осындай жағдаяттан шығу үшін әртүрлі шешу жолдарын, өздерінің стратегияларын ұсынды. Әлімжеттілікке душар болған балаға өздерінің тарапынан  қандай қажетті қолдау көрсету туралы айтылды.

Психологиялық жаттығулар мен ойындар қатысушылар арасында сенім ахуалын жақсартуға, оқушының  тұлғалық жетілуінің тәрбиелеуіне қолайлы жағдай жасауға арналған. Сонымен қатар жаны ашу деңгейін көтеру  және өз құрбыларының арасында өзін  қалай дұрыс ұстауын анықтау. Жасөспірімдер қоғамдастықтың бейәлеуметтік көрсетуіне қарсы тұру немесе төтеп беру икемділігін танытуына және сенімді мінез-құлқын дамуына үйрену жолдары көрсетілді.

Қорытынды бөлімінде балалар бір-бірімен алған әсері туралы бөлісті. Рефлексияда бірнеше қатысушылар өз-өзіне және басқа балаларға қарым-қатынасының және көзқарасының  өзгергенідігін айтты.

2016 жылдың 19 қарашасында  4, 9 сыныптар арасында  ата-аналар жиналыстары өткізілді. Жиналыс барысында отбасындағы  әлімжеттілік  пен әйелдер мен балаларға қатысты зорлық-зомбылық туралы пікірлер айтылды. Ата-аналардың назарына «Мектептегі буллинг туралы»  бейнеролик көрсетілді. Қатысушылар өз баласының мектептегі бұндай жағдаятқа душар болмағанын  дәлелдеді.