2013-2014 оқу жылының 24 желтоқсанында № 58 ЖББОМ орыс ұлты жастары арасында қазақ тілінен «Тіл-халық жанын танудың кілті» байқауы өтті

Байқаудың мақсаты:

Орыс тілді жастар арасында мемлекеттік тілді насихаттау;

Міндеттері:

-жастардың тілдерді үйренудегі шығармашылық қабілеттерін қалыптастыру;

- сөйлеу мәдениеті деңгейін арттыру, толеранттылыққа тәрбиелеу.

№ 25 ЖББОМ оқушысы Кузьмен ко Екатерина

Байқау мемлекеттік тілдің қолдану аясын кеңейту, қазақстандық патриотизмді, отансүйгіштікті қалыптастыру, орыс жастарының мемлекеттік тілге деген ынта-ықыласын арттыра отырып мемлекеттік тілде сауатты жазуы мен сөйлеу мәдениетін дамыту мақсатында ұйымдастырылды

24 желтоқсанда № 58 мектеп базасында қаламыздың орыс тілді мектептерінің қатысуымен қазақ тілінен қаллық байқау өтті. №25 жалпы білім беретін мектептің атынан Б.З. Саметованың жетекшілігімен 11 А сынып оқушысы Кузьменко Екатерина қатысты.

Байқау төрт кезеңде өтті . Бірінші кезеңде сайыскер алдын ала дайындалған презентацияны қолдана отырып, өзі және «Тәуелсіздік тұғыры – мемлекеттік тіл» атты ауызша таныстырылым айтып шығуға тиіс.

Екінші кезеңде «Тіл – мәдениет мұраларына жол» әдеби-мәдениеттанушылық тест..

Үшініші кезеңде қазақ әдебиет классиктерінің және қазіргі заманғы жазушылардың туындыларынан үзінділерді мазмұндау, мәтінді лингвистикалық-стилистикалық талдау (билеттік жүйе);

Төртінші кезеңде шығармашылық тапсырма «Шабыт жұлдызы»: халық аспаптарында ойнау, ұлттық ән, би, көркем сөз оқу т.б. арқылы қазақтың ұлттық мәдениетін көрсету (үй тапсырмасына 5-7 мин.).

Мемлекеттік тілді өз ана тілімен бірдей ұстап, терең үйренуге талпынып жүргенін жастар конкурсында біздің оқушымыз жан-жақты көрсете білді. Төрт кезеңнен кедергісіз өтіп,ерекше көзге көрініп, білімінің тереңдігімен тамсандырған Екатерина  бірінші орынға ие болды.

 Біз жеңімпазымызды шын жүректен құттықтап, оның бұдан да биік шыңдардан көрінуіне тілек білдіреміз!