1 «В» сыныбында  «Достық – ғажайып сөз» тақырыбында сынып сағаты өтті. Сынып жетекшісі Н.Вервай және 5-сынып оқушылары бірлесіп өткізген сынып сағатының мақсаты: бірінші сынып оқушыларына шын достық , адам өміріндегі достардың алар орны туралы айту, достық қарым қатынас, бір біріне түсінушілікпен қарау, досыңның қуанышы мен қайғысына ортақтасу жайында үйрету.

5-сынып оқушылары бірінші сынып оқушыларына арнап достық, достар туралы өлеңдер оқып, кішігірім қойылымдар көрсету арқылы оқушыларды бір біріне көмектесуге, бірін бірі сыйлауға, түсіністікпен қарауға шақырды.

Балалар топпен сурет салу, достық тақырыбында  жұмбақ шешу, сөздер құрастыру сияқты жұмыстарды жұмыла бірлесіп  жасады.

Сынып сағаты соңында 5-сынып оқушылары кішкентай бүлдіршіндерге «Сыныптастар достығы дипломын» табыстады.