Мектебімізде бүгін  «Қазақстан жолы-2050: бір мақсат,бір мүдде,бір болашақ» тақырыптаалғашқы қоңырау салтанатты саптық жиыны өтті.Білім күніне арналған ашық сабақтар бекітілген жоспар арқылы жүзеге асырылды.Барлық сыныптардың көрнекіліктері,қабырға газеттері ілініп,безендірілді. Бірінші сынып оқушыларына арналған саяхат ойыны: «Сәлем,мектеп!», «Ел тағдыры-менің тағдырым», 2 – 4 сыныптарда«Қазақстан-мәңгілік ел!» , «Мәңгілік ел –менің арман елім!» тақырыбындағы ашық сабақтарында«Мәңгілік ел»ұлттық идеясы-елімізді өз мақсатына талай дәуір сынынан сүріндірмей жеткізетін тұғырлы идея екендігін оқушыларға жеткізе отырып,Елбасы жолдауында Мәңгілік елдің мәңгілік тіліне айналған тіліміздің мәртебесі арта берері анық,ұлттық құндылықтарды сақтап,дамытуға бағытталған әрекетекендігі айтылды.Білім-барлық уақытта жоғары құндылықтардың бірі болған.Тек білімді,сауатты адам ғана келешек тізгінін қолына ала алады.Бүгінгі ұрпақ білімді болса,ел ертеңі жарқын болмақ.

 5 – 9 сыныптарда интерактивті сынып сағаттары: «Біз қазақстандықтар-бір халықпыз», «Астана-әлем мен келісімдік қаласы», «Мәңгілік ел-біздің ұлы Қазақстан»тақырыбында өткен ашық сабағында Елбасы Н.Ә.Назарбаевтың «Қазақстан жолы-2050: бір мақсат,бір мүдде,бір болашақ»атты халыққа жолдауының мағынасы мен негізгі мақсатын түпкілікті санаға жеткізе отырып,өз пікірлерін ортаға салу мақсатында өтті.Қазақ елінің тәуелсіздікке дейінгі оқиғаларын айта отырып,өз еліміздің болашағына тоқталды және қазіргі біздің жастарымыздың алдында тұрған үлкен мақсатқа ерекше тоқталып ,еліміздің болашағы білімді жастар екенін айқындай түсті.Еліміздің рухын көтеретін,ұлы мақсаттарға жеткізетін ұлттық идеяның негізгі мағынасын оқушыларға түпкілікті жеткізе алды.

 10 – 11 сыныптарда дөңгелек үстел: «Уақыт және мен», «Тарих ағымында», «Қазақстан-сенің жетістіктерің!»тақырыптарында ашық сабақтар өткізілді.10-11 сыныптарында  «Қазақстан-сенің жетістіктерің!» тақырыбында өткізілген ашық сабағы оқушыларға отанын сүюге,бірлікке,ел тарихын білуге,еліміздің мемлекеттік рәміздерін қастерлеуге,отанымыздың байлығын қорғауға,елімізді өркендетуге білімді ұрпақ болуға тәрбиелеу мақсатында өтті.ХХІ ғасырдағы дамыған ел дегеніміз белсенді,білімді және денсаулығы мықты азаматтар екендігін айта отырып,ұлттық білім берудің барлық буынының сапасын жақсарту ,-деп атап көрсетті. Оқушылар өз ой-пікірлерін ортаға салды.Әр сыныптарда өткен  ашық сабақтар тақырыптарына сай, өз мақсатында өтті.