Оқушыларды адамгершілікке,Отанын сүюге,қорғауға баулу.Отанға деген сүйіспеншілігін арттыру,патриоттық тәрбие беру.Оқушыларды  Ұлы Отан соғысындығы қазақстандықтардың ерлік істерімен таныстырып,ой-өрісін дамыту.Үлкен адамдарды сыйлай білуге,құрметтеуге тәрбиелеу мақсатында өтті.Жиын залында мақал-мәтелдер жазылған түрлі-түсті қағаздар,жалаулар,гүлдер, мәңгілік алауы қойылған. Ашық тәрбие сағаты Қазақстан Республикасының гимнімен басталды.Оқушылар тәрбие сағатында өлең-жырларын, сахналық көріністерін қойды.Ер есімі-ел есінде .Кіндік кескен жері үшін,аялап,әлпештеп өсірген елі үшін отқа түсіп,жалын кешкен ер-азаматтар ешқашан ұмытылмайды!-деп  бір минуттық үнсіздік жарияланды.Сынып жетекшісі Мұхамедиева Айгүл Ерғалиевна: Жеңістің оңайлықпен келмегенін айтты.Жеңіс жолында Отан үшін от кешіп миллиондаған асыл азаматтар мерт болды.Осы қан майданда мерт болған ерлердің рухына,бүгінгі арамызда асқар тау болып жүрген аталарымызға,аналарымызға басымызды иіп тағзым етеміз ,-деп сөзді Ұлы Отан соғыс ардагері Султанов Искак Султановичке берді.Ардагер балаларды Ұлы Жеңіспен құттықтап,өзінің ерлігімен,әңгімесімен балаларды өз Отанын, елін,жерін сүюге және қорғауға шақырды.