№25 жалпы білім беретін орта мектепте математика пәні мұғалімдері Итебаева Аймангүл және Есмағамбетова Жанар  мұғалімдердің ұйымдастырумен 5«Ә»және 9«Ә» сыныптар арасында  «Жанұя және математика» атты  отбасылық сайыс өтті. Бұл шараның басты мақсаты:  Оқушылардың математикалық ойлау қабілеттерін  дамыту, теориялық білімдерін тереңдету, практикалық есептеу дағдыларын жетілдіру, бұл ғылымның сырларын ұғынуға  икемдеу,ата-аналар мен ұстаздар арасындағы  байланысын нығайта түсу, математика  пәніне деген қызығушылықтарын арттыру.

Мұнда оқушылар ата-аналарымен, аға-қарындастарын, әпке-інілерімен бірігіп ,  яғни отбасылық  топ құрды. 5 «Ә» сынып оқушысы Төлепбергенов Талғаттың отбасы  « Шаршы», 7 «Ә» сынып оқушысы Берлібекова Арай отбасы  «Жеті қазына», 6 «Ә» сынып оқушысы Орман Мадинаның отбасы  «Білім» тобы, 5 «Ә» сынып оқушысы Қалелов Әділ отбасы «Арифметика» тобы, 9 «Ә» сынып оқушысы Әскерова Арай отбасымен «Тапқырлар» тобы сайысқа түсті .Әр топ өзін таныстырған соң , жарысты бағалайтын әділ қазылар мүшелері  сайланды.   Директордың тәрбие ісінің орынбасары А.Ж. Жарылғасын. Химия пәні мұғалімі Г.Б. Полат. Бастауыш сынып мұғалімі А.Е. Мұхамединова.

Математикалы  кеште ұзақ есептеуді қажет етпейтін есептер және тапқырлыққа, жан- жақты логикалық ойлауды талап ететін 7 түрлі тапсырмалар берілді:Лездік сұрақтар/ тез жауап беретін  сұрақтар/ Математикалық жұмбақтарМақал – мәтелдер/сандарға байланысты мақалдар/Тапқырлық/логикалық сұрақтар/математикалық понтпнимо/ математикалық белгі,символдарды қимылмен көрсету/Сөз тізбегі/математикалық терминдерден сөз тізбегін жазу/Үй тапсырмасы. / әр топтың дайындаған тапсырмасын шешу/ . Әрбір берілген тапсырмаларға отбасы мүшелері дәл, нақты жауап беруге тырысты, әсіресе тапқырлық және үй тапсырмасы бөлімдерінде сайыскелер  тапқырлық танытып небір күрделі сұрақтардың шешімін таба білді. Мақал – мәтел сайысында ата-аналардың белсенділігі  жоғары болды. Бұл жарыс ата-аналармен оқушылардың математикаға деген  қызығушылықтарын  арттырған , көпшілік көңілінен шыққан, қызықты сайыс болды.Сонымен қатар көрермендерге де   логикалық сұрақтар қойылып, фокустар көрсетілді.

Сайыс соңында әділ қазылардың шешімі бойынша 1-орынды Төлеппергеновтар отбасы, - орынды Шәріповтар отбасы иеленіп, ал 3-орынды Берлібековтар  және Әскеровтар отбасы өзара бөлісті. Жеңімпаздарға дипломдар мен бағалы сыйлықтар тапсырылды. Кеш соңында Итебаева Аймангүл Ахановна ерекше көзге түскен оқушыларды атап өтіп, барлық ойынға қатысушыларға алғысын айтып, әрқашанда алға ұмтылып,еңбектенуден жалықпай, оқуда озат, еңбекте жемісті болуларына тілек білдірді.