2025 жылдың 27 мамырында «Функционалдық сауаттылықты дамытуға арналған қазақ тілінен қалыптастырушы бағалау тапсырмалар жинағы»  тақырыбында инновациялық педагогикалық тәжірибені жалпылау және тарату мақсатында облыстық вебинар өтті. Вебинар жұмысына Қарағанды облысы білім басқармасының Қарағанды қаласы білім бөлімінің  «№25 жалпы білім беретін мектебі» КММ-нің қазақ тілі мен әдебиеті пәні мұғалімдері Хасенова Р.Б. мен Уразбекова А.Б. қатысты.

Авторлық бағдарлама материалдары негізінде 6-сыныптарға арналған тапсырмалар Теміртау, Абай және Балқаш қалалары бойынша қамтылып, үш аймақта тәжірибе ретінде жүзеге асырылды. Вебинар барысында облыс мұғалімдері ұсынылған практикалық жұмыс үлгілерімен танысу мүмкіндігіне ие болды.

Трансляция барысында спикер-мұғалімдер өздерінің тиімді әдістерімен бөлісіп, қазақ тілі мен әдебиеті пәніне оқушылардың қызығушылығын арттыру, білім сапасын жақсарту жолдарын көрсетті. Вебинар педагогтерге кәсіби тұрғыдан тәжірибе алмасуға мүмкіндік беріп, әдістемелік қолдау ретінде маңызды рөл атқарды.