Семинар барысында 3 ашық сабақ өткізілді. Бастауыш буында қазақ тілі пәнінен Шахметова Айгул Эрланқызы 2«В» сыныбында «Ойыншықтар дүкенінде» атты сабақ өткізсе, орта буында Саметова Бибигуль Зуфаровна  6«В» сыныбымен қазақ тілі пәнінен «Қазақстан астаналарының тарихы» атты кіріктірілген сабақ және Ибадуллаева Гульжахан Сулейменовна 7«Б»сыныбымен қазақ әдебиеті пәнінен «Абай ұлы ақын» атты мазмұндама  жұмысын өткізді.

Бүгінгі күні оқушылардың жазу және сөйлеу сауаттылығын арттыру өте маңызды. Осы мақсатпен семинар барысында қазақ тілі және  әдебиет сабақтарында оқушы сауаттылығын дамыту жолдарының маңызы, жаттығулар мен жазба жұмыстарының алуандылығы, фонетикалық, лексикалық және морфологиялық қателерді азайту үшін сабақта қолданылатын жұмыс түрлері, қатемен жұмыс түрлерінің ең озық түрлері дөңгелек үстелде талқыланып, сарапқа салынды.

Семинар барысында ұстаздардың бірі өз тәжірбиелерімен бөлісіп жатса, екіншілері өзара тәжірбиемен алмасты. Оқушылардың сауатты жазу мен сөйлеу мәдениетін қалыптастыруда ең озық әдіс-тәсілдерді анықтау арқылы қолдану  сауатты ұрпақ тәрбиелеуге жол ашпақ.