22.01.2025ж. мектебімізде қалалық мектептердің  тәрбие ісі жөніндегі орынбасарлары мен кітапханашыларының қатысуымен "Мен ұсынар бір кітап" атты READx жобасының кезекті қалалық отырысы өтті. Жобаның негізгі мақсаты: кітапсүйер қауымның оқуға деген қызығушылығын арттыру, таным көкжиегін кеңейту.

Іс-шара барысында қатысушылар өздері ерекше ұнатқан бір кітапты ұсынып, оның мазмұны, идеясы мен әсері туралы бөлісті. Сонымен қатар, кітап оқу мәдениеті мен оны насихаттау жолдары жөнінде пікір алмасулар өтті. Семинар шығармашылық атмосферада өтіп, көптеген жаңа идеялар мен бастамалар талқыланды. 

Бұл отырыс – білім беру саласында кітаптың орны мен маңыздылығын тағы бір мәрте айқындаған ерекше жоба отырысы болды.