Тіл тағдыры - ел тағдыры.

 Тіл бар жерде - ұлт бар. Ғасырлар бойы жалғасын тауып, тамырын тереңге жайған тіл сол ұлттың ұлы мұрасы. Тіл арқылы көрікті ойдың кестесі тігіліп, сөзбен сарай салынады. Тілдің мәртебесін асырып, мерейін үстем ету мақсатында ҚР Тілдер мерекесі ел егемендігімен қатар аталып келеді. Сол мақсатты ұстана отырып, биылғы 2013 -2014 оқу жылындағы Тілдер мерекесі №25жалпы білім беретін орта мектебінде жоспарлы түрде ұйымдастырылды.Тілдер апталығына арналған іс-шаралардың тізімі мектеп директорымен бекітілген.Екінші қабатта қабырға газеттері және оюлар, мақал-мәтелдермен безендірілді  Қазақ, орыс, ағылшын тіл бірлестіктері апталық аясында жоспар құрып, әр күнді белгілі бір тақырыптағы іс шараға арнады. Бастауыш сынып мұғалімдері «Тілім менің – тірегім»» атты сайысты 2-4 қазақ сыныптары арасында өткізді. Оқушылар қазақша әнді әндетіп, қызықты грамматикадан тапсырмалар орындады. 20 қыркүйек  күні 9-шы сыныптар арасында «Ұлт мерейі - тіл» деген сайыс болды. Белсенді тақта арқылы оқушылар грамматикадан алған білімдерін жетілдірді. Әр сыныптан төрт оқушы қатысты, сайыс қорытындысы бойынша әр топ әртүрлі номинациялармен марапатталды, кіші сыйлықтар берілді. Жауапты мұғалімдер – Исааева М.М., Алтынбекова М.М., Баймаганбетова М.Х., Саликова А.К.    

      Қазақ тілі мұғалімдері М.М. Исаева, М.Ж.Смағұлов өзге тілді ұлт өкілдері арасында "Тағылымды тілге тағзым"атты сайыс өткізді.

Мақсатына жеткен бұл сайыста бірнеше тапсырмалар беріліп, оқушылардың қызығушылығы артарлық бағаға ие болды. Қазақ сыныптарында жұмыс істейтін Б.Қ. Садыкова 8-9- сыныптар аралығында "Асыл сөз өнері - ән мен өлеңде" айдарымен сыныптан тыс шара ұйымдастырды.

"Әлқисса" бөлімінде Қайназарова Гүлмира, Ташенова Арай өз туындыларын оқып, сайыстың шымылдығын түрді. Сайыс жан-жақты тартысты өтті. Бірінші санатты ұстаз 11-сынып оқушылары арасында ХХІ ғасыр көшбасшысын өткізді. Бұл шараның мақсаты – мектеп түлектерін алдағы ҰБТ сынағына дайындау. Тіл, тарих, жаратылыстану пәндері кіріктірілген сайысқа оқушылар да өте белсенді қатысты, қойылған сұрақтар мен тапсырмаларды мемлекеттік тілде орындады.

 Ғасырлар жемісі болып саналатын,  ұрпақ тарапынан қолдау мен құрмет тауып отыратын Тілдер мерекесі осындай игі шаралармен жабылды.