Алтын алма, алғыс ал, алғыс деген ел - сыйы
«Аз жақсылық жасағанға да көп рақмет айту парыз»

Ж. Баласағұн

1 наурыз елімізде жалпыхалықтық мереке – Алғыс айту күні. Мерекенің басты мақсатының бірі – өскелең ұрпақты достық, бір-біріне деген құрмет пен толеранттылыққа, отансүйгіштікке тәрбиелеу, Қазақстанда этникаралық келісім мен ұлтаралық қарым-қатынасты нығайту.

     – Елбасы Жарлығымен бекітілген 1 наурыз – Алғыс айту күні дәстүрімізге ресми түрде жаңадан енген игілікті іс болды. Елге серпіліс әкелді. Бұдан былай жүйелі жалғасын тауып, кең түрде қанат жая беруі керек. Біз кімге алғыс айтуымыз керек? Алдымен, әрине, бізді адам ғып жаратқан Жаратушы көкейімізде тұруы қажет. Одан кейін жарық дүниеге біздерді әкелген, аялап өсіріп, қанаттандырған ата-анамызға алғыс айтуға тиіспіз. Одан кейінгі орында ұлтымыз, Отанымыз тұрады.

Бұл – біздің аса қымбат құндылығымыз. Әрбір қазақстандық оны одан әрі сақтап, ұрпақтан-ұрпаққа жеткізуі тиіс. Бұл – бәрімізге артылған маңызды міндет, зор жауапкершілікті жүк. Бірлігіміз күшейсе, тірлігіміз гүлденеді. Тірлігіміз гүлденсе, ірілігіміз күшейеді.

«Ел алғысын алсаң елеулісі боларсың» дейді халқымыз. Оқушылардың «сыйластық» құндылығы туралы түсініктерін кеңейту, бүкіл адамзат баласына өмір сыйлаған аяулы анаға, асқар таудай әкеге алғыс айту, бас иер асыл тұлға ұстаздардың еңбегін бағалау, жас ұрпақты ата-ананы, ұстазды құрметтеуге, адамгершілікке, сыйлап түсіне білуге үйрету, ұстаз мамандығының қыры мен сырын түсіндіру. Ұстаз еңбегін әрқашанда бағалай білуге үйрету және Қазақстандай ұлы елдің бірлігі мен ынтымағын сөз ете отырып, қазақ деген ұлы халықтың дархандығын ұғындыру мақсатында мектебімізде 1 наурыз алғыс күніне орай «Алғыс айту парызым!» тақырыбында  кітап көрмесі ұйымдастырылды.