"№25 ЖББМ" КММ асханасында балалардың тамақтану процесін және тамақтың сапасын бақылауды жүзеге асыру мақсатында мониторингтік тексеріс жүргізілді.

Оқушылардың тамақтану күн тәртібіне мониторинг жүргізілді: асхананың жұмыс кестесінің дұрыстығы, оқушыларды толыққанды ыстық тамақпен қамтамасыз етілуі. Санитарлық нормалар мен ережелерді сақтауға көп көңіл бөлінді: ас әзірлейтін жердің санитарлық жағдайы (ыдыс-аяқтың, тамақ ішетін залдың, қосалқы үй-жайдың тазалығы), азық-түлікті сақтау мерзімдері әрі  оларды сақтайтын орындар, ас әзірлейтін қызметкерлердің жеке гигиена нормаларын сақтауы.

Мониторингтік комиссия жұмысының нәтижесі  бойынша мектеп асханасының жағдайы қанағаттанарлық деп танылды, гигиеналық жай-күйі қолданыстағы нормаларға сәйкес келеді, оқушыларды тамақтандыру санитариялық қағидалардың талаптарына сәйкес жүзеге асырылады. Тамақтану сапасының мониторингі жөніндегі комиссияның жұмысы одан әрі жалғасатын болады.