Мемлекеттік тілге деген құрметті,
Өзге ұлттың ұл-қыздары көрсетті.
Ұлттық тілдің мәртебесін көтеріп,
   Әсем ән мен сұлу сөзден жыр төкті.

2012 жылдың  19 желтоқсанында №25 жалпы білім беретін орта мектепте «KATEV» халықаралық қоры тарапынан ұйымдастырылатын 7-11-сыныптардың ұлты қазақ емес оқушылары арасында «Жарқын болашақ» олимпиадасының І кезеңі өтті. Ережеге сәйкес талаптар бойынша байқауға № 30, 33, 20, 42 ОМ мен №4 мектеп-интернатының оқушылары қатысты. Қалалық кезеңге «Әнші бұлбұлдар» бағыты бойынша біздің мектептен 10-сынып оқушысы Акиншина Валерия, «Жас ғалым» бағыты бойынша 9-сынып оқушысы Битиева Ольга өтті.

   20 желтоқсан күні өткен қалалық кезеңге өткен 9-сынып оқушысы  Битиева Ольга «Жас ғалым» бағыты бойынша ІІІ орынды иеленді.

   Жарайсың, Ольга!

ОРТАЛЫҚ ҚАЗАҚСТАНҒА

Жарқын болашақ жаршылары

    Еңселі елдің ертеңі – білімімен биікті бағындыратын, өнерімен әлемге танылатын жас ұрпақ.

    2012 жылдың 19 желтоқсанында Октябрь ауданы Пришахтинск қаласындағы №25 жалпы білім беретін орта мектепте  «KATEV» халықаралық қоры тарапынан ұйымдастырылатын, мемлекеттік тілдің аясын кеңейтуді, қазақ халқының мәдени, әдеби және рухани қазыналарын насихаттауды мақсат ететін «Жарқын болашақ» олимпиадасының І кезеңі өтті. Бұл байқауға көрсетілген ереже талаптарына сәйкес оқу орыс тілінде жүргізілетін № 30, 33, 20, 25, 42 ОМ мен №4 мектеп-интернатының 7-11-сыныптардың ұлты қазақ емес оқушылары қатысты.

   Олимпиада «Сөз шеберлері», «Әнші бұлбұлдар», «Жас ғалым» және «Тілші-әдебиетшілер» бағыты бойынша өткізіліп, қазылар тарапынан бағаланды.

   «Сөз шеберлері» бағытында тіл тазалығы, сахналық мәнері, шығарманы нақышына келтіріп оқуы жағынан Жұбан Молдағалиевтің «Мен қазақпын» поэмасынан үзіндіні үздік оқыған № 33 ОМ оқушысы Тесля Ксения бірден қалалық кезеңге өтті.

   «Әнші бұлбұлдар» бағытына барлық оқушы әдемі әндерімен келіп, оза шапқан жүйріктері таңдалды. Бұл бағыт бойынша қалалық кезеңге № 25 мектептен Акиншина Валерия, № 33 мектептен Ульбрихт Наталья, № 42 мектептен Топаркова Арина, № 30 мектептен Горюнова Арина жолдама алды.

    «Жас ғалым» бағытында ұсынылып қорғалған жұмыстардың ішінен №25 мектептің оқушысы Битиева Ольганың зерттеуі келесі кезеңге өтіп, ІІІ орынды иеленді. кен ті.

    Өзге ұлттың өкілдері бола тұра, қойылған сұрақтарға түсіне отырып, қазақша жауап қатқан Ольгаға «Жарайсың!» дейік!

                                                                                                     № 25 жалпы білім беретін орта мектептің

                                                                                                   қазақ тілі мұғалімі Б.Қ.Садықова