Қарағанды қаласының Білім бөлімінің жоспары бойынша 30.10.2020 ж «№25 ЖББОМ» КММ «Қашықтан оқыту барысында ерекше білім беруді қажет ететін оқушыларға арналған түзету-дамыту жұмыстары» тақырыбында қалалық шеберлік-сыныбы өткізілді.
Аталмыш іс-шарада Қарағанды қаласының Білім бөлімінің әдіскері Исатаева У.Н және қалалық мектептерде инклюзивті білім беру тәжірбиесін жүзеге асырып жатқан мұғалім-дефектологтар, логопедтер мен пән мұғалімдері қатысты.
Алғы сөзбен шеберлік-сыныбын «№25 ЖББОМ» КММ директоры Ескеева С.Ж ашты.
Сонымен қатар ерекше білім беруді қажет ететін оқушыларға қашықтан оқыту барысында қолданылатын технологиялар жайлы директордың оқу тәрбие ісі жөніндегі орынбасары Матюхина Т.Я айтып өтті. Карантин режимінің енгізілуіне байланысты шеберлік-сынып "ZOOM" платформасының көмегімен онлайн-форматта жүзеге асырылды. Барлығы 30 мектептен 27 педагог қатысты.
