5 қыркүйек – Қазақстан халқы тілдер күніне арнап «қазақ тілі мен әдебиеті» пән бірлестігінің жоспары бойынша Л.Қ.Есембаева Қарағанды облысының тілдерді дамыту жөніндегі басқармасы жанындағы «Ресурстық тіл орталығының» бөлім меңгерушісі, п.ғ.м. Жұпар Рысқұлқызы Жақановамен бірлесе отырып «БОЛАШАҚҚА ЖАҢА ӘЛІПБИМЕН» тақырыбында қашықтықта  онлайн-семинар өткізді. Семинарды А.Байтұрсыновтың «Өз тілімен сөйлескен,өз тілімен жазған жұрттың ұлттығы еш уақытта адамы құрымай жоғалмайды»,-деген сөзімен бастаған Ж.Рысқұловна латын графикасындағы болған кейінгі толықтыруларды, әліпбидің өзгеру себебін түсіндіріп айтып өтті. Осы латын графикасының бізге берері бар ма, бұл графикаға неге тек қазақ сыныптары ғана өтуі керек, басқа ұлт өкілдері оқитын сыныптар да  осы әліпбимен оқулары тиіс емес пе деген мұғалімдердің берген сұрақтарына дәлелді пікірлерімен тұшымды жауап беріп, айтып өтті. Бұл семинардың тағлымы мол болды.