11 қаңтар күні мектебіміздің 1 «А» және 1 «Ә» сынып ата-аналарының кезекті жиналысы өтті. Күн тәртібінде қаралған негізгі тақырып «Критериалды бағалау» болды.
Мақсаты: 1ші сынып үшін оқу жылының ІІ жартыжылдығында жоспарланып отырған жиынтық бағалау жолдарымен таныстыру, оның тиімді тұстарын ашып көрсету болатын. Ата-аналар оқушы рөліне кіріп, мұғалімдердің алдын ала дайындалған жиынтық бағалау тапсырмасын орындады. Орындалған тапсырмаларын топ ішінде, топ арасында бағалады. Осы тұста дәстүрлі баға мен критериалды бағалаудың ерекшелігіне көз жеткізу мүмкіндігіне ие болды. Жиналыс соңы «кері байланыспен» аяқталды. Кері байланыста ата-аналар бүгінгі жиналыстан алған ақпаратпен, жағымды әсерлерімен бөлісті.
