Ертегілер әлемінде
26.12.2019 жылы Қарағанды қаласы № 25 ЖББОМ-нің 6 және 8 сынып оқушылары арасында Жаңа жылдық шырша мектеп қабырғасында тойланды.
Әсем безендірілген шыршасы бар ойын алаңында балаларды өз сыныптастарының ішінен шыққан Аяз ата, Ақшақар және ертегі кейіпкерлері құшақ жая қарсы алды. Оқушылар бірден ертегі әлеміне саяхатқа енгендей әсерде болды. Әр сынып өздерінің алдын ала дайындап келген қойылымдарын көрсетіп, сыныптастарымен бірге билеп, ойнап күліп, көңілді өткізді. Балалармен қосыла қызыққа кенелген Аяз ата мен Ақшақар Жаңа жылды оқушылармен бірге тойлап, тәттілер тартып берді.
Жаңа жылдық шырша керемет өтті.Мерекелік кеш әр оқушының жүрегінде есте қалатындай бір сезімді себелеп, балалардың арасында ынтымақтастық ұялатты.Жаңа жыл — бірлік пен татулық жылы болсын!
Қазақ тілі мен әдебиет пәнінің мұғалімі:
М.Х. Баймағамбетова
