Біз барлығымыз ата-бабаларымыздан мұра болған «Ұлы Дала елінің» перзентіміз. Қазіргі уақытта жастар заманауи озық біліммен қаруланып, еліміздегі жоғары оқу орындарымен қатар, шетелдің беделді университеттерінде білім алу мүмкіндігіне ие болып отыр. Осы жастардың легіне біз дұрыс бағыттағы білім мен тәрбие бере алсақ, олар келешекте біздің ұлттық потенциалымыздың негізгі көрсеткіші болатыны сөзсіз. Сондықтан, ата-баба салтынан ажырамай, дәстүрімізді дәріптеп, құндылықтарымызды бойына сіңіріп өскен ұрпақтың болашағын қамтамасыз ету елдік мақсат болып отыр.
Біздің мектепте де осы елдік мақсатты жүзеге асыру барысында 16.11.2019 жылы «Ұлы дала мұрагерлері » атты форумы жүзеге асырылды. Бұл іс-шара НЗМ ДББҰ тәжірибесін тарату бойынша мектептер арасында білім беру байланыстарын нығайтуға бағытталған жүйелік-инновациялық іс-шара. Форумға ата-аналар, мектеп мұғалімдері, оқушылар құрметті демалыстағы ұлағатты ұстаздар қатысты.
Мектептің даму жоспарының басты міндеті: мұғалім, оқушы, ата-ана ынтымақтастығын арттыру арқылы ойын еркін, өзіндік пікірін дәлелмен нанымды жеткізе білетін, ынталы, сенімді, сыни көқарастары қалыптасқан оқушыны қалыптастыру.
Шараның бастапқы бөлімі «Қазақтың жүз әні» атты шығармашылық концертінен басталды, сонымен қатар «100 күйдің тарихы» жобасы шеңберінде атақты күйшілер туралы толығырақ мағлұмат беріліп, музыка өнерін сүюге, қадірлеуге баулыды.
Назарбаев Зияткерлік мектептері тәжірибесін тарату аясында ұстаздар мен ата-аналарға арналған әдістемелік кеңестер, сонымен қатар жаңартылған білім беру мазмұны бойынша шебер-сыныптар ұйымдастырылды : «Дыбыстарды дұрыс айтудың бұзылуын жою» логопедтік сабақ, «Правописание безударных гласных в корне слова», «Как много хороших профессий» , «Умножение десятичных дробей», «Қазақ халқының салт-дәстүрлері», М.Мақатаевтың «Аққулар ұйықтағанда» поэмасы,«Критериалды бағалаудың тиімділігі», «Жаңа буындарға кітаптармен жұмыс жүргізу әдістері».
Мұғалім, оқушы, ата-ана ынтымақтастығын арттыру арқылы ойын epкiн, өзiндiк пікірін дəлeлмен нaнымды жeткiзe бiлeтiн, ынтaлы, сeнiмдi, сыни көзқapaстapы орныққан оқушы қaлыптaстыpу мақсатында «Бақытты отбасы», «Развитие эмоциональной сферы младшего школьника посредством творчества», «Методика работы с учебниками нового поколения: проблемы, пути решения» атты тренингтері жүргізілді.
Оқушылар мен ата-аналардың қатысуымен осы форум аясында «Атланттар» спорттық клубы мен «Әкем, анам және мен – тату отбасы» атты көңілді старттар өткізілді.
Қала мен ауыл арасындағы байланысты күшейтуді негізге ала отырып «Екі апта ауылда» әлеуметтік тәжірибесі өткізілді.
Ақпараттық қоғамда жаңа өсіп келе жатқан жас буындардың дайындығын және шығармашылық дамуларымен келген қонақтарға таныстыру үшін IT-class (3D жобалау) мен Robsa-роботехникасын көрсетті.
Облысымызда кітап оқуды насихаттауға бағытталған «Бір аймақ – бір кітап» акциясының аясында «Bookcrossing» жобасы «Оқы және өзгеге сыйла» деген атаумен осы форумда өз жалғасын тапты.
Сонымен қатар қоршаған ортаға өз пайдамызды қандай жолмен көрсете аламыз деген сұрақпен Эко клуб отырысы өткізілсе, балалардың жолда жүру ережесін меңгерту дағдысын қалыптастыру мақсатында «ЮИД» командасы және Дебат клубы - өз білімдерімен бөлісті.
Жалпы отбасы мүшелерін салауатты өмір салтын ұстану, көңіл күйді белсендіру, ортақ іс-әрекеттерге қатысу және жаңа ортада жаңа дос таба білуге үйрету мақсатында «Қаражорға» жобасы аясында флешмоб өткізілді.
Ата аналар қауымдастығымен қарым-қатынас жасауды жақсарту мақсатында мектептің жас журналистері жұмыс жасап, келесі сұрақтарға жауап алды: сіз мектепішілік іс-шараға жиі қатысасыз ба? Балаңыз бос уақытында немен айналысқанды ұнатады? Сіздің ойыңызша ата-ана мен мұғалімдер арасындағы тығыз байланыс балаңыздың тәрбиесіне оң әсер береді ме? Балаңыздың жоғарғы жетістіктерге жетуі үшін қандай жағдай жасайсыз? Сізге не ұнады? және т.б.
Форум аясында алға қойылған міндет орындалды. Форум бағдарламасы негізінде ата-аналар арнайы мамандандырылған кеңес алды. Бәсекеге қабілетті біздің мектеп оқушыларыны да жақсы нәтижесін көрсете білді.
Қазақ тілі мен әдебиет пәнінің мұғалімі:
Баймағамбетова М.Х.
