Қазан айының 19 - 20 аралығында өткен қазақ тілі мен қазақ әдебиеті онкүндігіне ТАЛДАУ Онкүндік шеңберінде 6 ашық сабақ пен 2 сыныптан тыс іс-шара жоспарланған болатын. Жоспарланған сабақтар және сыныптан тыс іс-шараның барлығы көрсетілді. 23.10 күні 5 «А» сыныбында А.Т.Башаева өткізген «Жыл мезгілдері» тақырыбындағы ашық сабақта мұғалім жұмыстың көптеген түрлерін орынды, байланыстыра қолданды. Сабақ оқушылардың жақсы білімін, мұғалімнің ұйымдастырушылық қабілетін, әдістемелік дайындығын көрсетті. Мұғалімге барлық оқушылардың көзі жететін көрнекіліктер қолданып, сергіту сәтін міндетті түрде қолдану ұсынылды. 24.10 күні 2 «В» сыныбында өткізген « Менің отбасым» атты интерактивті сабақ жүйелі, қызықты өтті. Бастауыш сынып оқушыларының қазақ тілі сабағына деген қызығушылықтары жоғары деңгейде екендігін көрсетті. Интерактивті тақтаны қолдану арқылы мұғалім әт түрлі тапсырма түрлерін жүргізді. Оқушылар тапсырмаларды орындауда белсенділік танытты. Сабақ өз мақсатына жетті. Мұғалімге бастауыш сынып оқушыларының жас ерекшеліктерін ескере отырып, сергіту сәтін дер уақытында өткізу ұсынылды. 27.10 күні 11 сыныпта Б.З.Сәметованың басшылығымен өткен «Ұлттық тағамдар» тақырыбындағы ашық сабақтың жүйелілігі, кезеңдерінің байланыстылығы, ойластырылғандығы аталып өтті. Сабақ оқушылардың ауызекі тілдерінің жақсы деңгейін көрсетті. Оқушылардың грамматикалық тақырыптарды да жеткілікті деңгейде меңгергендігі көрінді. Мұғалімге оқушылардың ізденушілік қабілеттерін дамытуға арналған шығармашылық тапсырмаларды алдын-ала ұйымдастыру ұсынылды.



29.10 күні 6 «А» сыныбында М.М. Исаева өткізген «Алтан күз» атты интерактивті сабақ жоғары деңгейде өтті. Сабақ жүйелі, ойластырылып құрылған. Оқушылардың лексикалық және грамматикалық тақырыптарды жоғары деңгейде меңгергендігін көрдік. Ауызекі сөйлеу тілдері дамыған. Грамматикалық талдауларды қазақша дауыстап айтып талдады. Мұғалімнің қоятын талаптары жоғары деңгейде екенін байқадық. Сабақ үстінде оқушылардың тәртіптілігі, сабаққа дген қызығушылықтары көрініп тұрды. Сабақта қойылған мақсат өз деңгейінде орындалды. Мұғалімге алдағы уақытта жұмыстарында сәттілік тілей отырып, оқушылардың қызығушылықтарын арттыру мақсатында жаңа технология элементтерін көбірек қолдану ұсынылды.