Құрметті кітапқұмар оқырмандар!

Мектебімізде оқушыларды кітап оқуға баулып, кітап оқу қызығушылығын арттыру мақсатында ұйымдастырылған «BookX» жобасы аясындағы «Кең таралуға лайықты кітап!» буккроссинг акциясына атсалыса қатысуларыңызды сұраймыз. Акцияға аясында өздеріңіз қызыға оқыған, сыйға тартатын тартымды кітаптарды оқырмандарға ұсынып, басылымдармен бөлісіп, көпшілікке түрлі жанрдағы кітаптарды оқуға мүмкіндік бере аласыздар. Ұсынатын басылымдарды буккроссинг сөресіне қойып, өздеріңіз қалаған кітаптарды алып оқисыздар. Кітапты алған адам, оқып шыққан соң, оқыған кітабын басқа балалар да оқуы үшін алған жеріне әкеліп қоюы керек. Осылайша өздеріңіз ұсынған кітаптар үнемі айырбаста жүріп, сансыз оқырмандар қолынан өтеді. Оқу жылының соңында белсенді буккроссерлер анықталып, бағалы сыйлық – кітаппен марапатталады. 2019 – 2020 оқу жылының сәуір айында үздік спикерлер қалалық «BookX»  қатысып, мектептің рекорсмен-кітаптарын ұсынады. Акция аясында атқарылып жатқан іс – шаралар мектеп сайтында жарияланып отырады. Буккроссингке ұсынатын кітаптарды мектеп кітапханасы, сынып жетекшілері қабылдайды.