ҚР білім және ғылым министрі 2020 жылғы 11 мамырда "Педагогикалық этиканың кейбір мәселелері туралы" бұйрыққа қол қойды, деп хабарлайды zakon.kz. педагогикалық этиканың негізгі қағидаттары мыналар болып табылады: 1) адалдық: педагогтың адалдығы оның оқыту мен тәрбиелеу нәтижесі үшін жауапкершілігін, өз қызметінде түзетулерді жүзеге асыра білуін, сынға және рефлексияға дамыған қабілеттілігін, білім алушылар мен тәрбиеленушілердің, олардың ата-аналарының (заңды өкілдерінің), әріптестерінің кез келген пікірлері үшін ашықтығын болжайды.; 2) адалдық: педагогтің адалдығы оның бағалау қызметінің ашықтығын, ол құратын білім беру ортасының ашықтығын көздейді. Адалдық педагогке білім алушылар мен тәрбиеленушілердің, олардың ата-аналарының (заңды өкілдерінің), әріптестерінің құқықтарын бұзуға тыйым салады; 3) жеке басының ар-намысы мен қадір-қасиетін құрметтеу: Педагог білім алушылар мен тәрбиеленушілердің, олардың ата-аналарының (заңды өкілдерінің), өзінің кәсіби назарының объектілеріне айналатын адамдардың ар-намысы мен қадір-қасиетін құрметтейді, олармен қарым-қатынаста әдепті болады. Ол баланың дамуын шын жүректен тілейді, оған әрдайым көмектесуге дайын екенін көрсетеді, жеке басының өсуіне ықпал ету мақсатында білім алушы мен тәрбиеленушінің жетістіктерін (сәтсіздіктерін) бағалауда нәзіктікті қамтамасыз етеді. Білім беру процесіне қатысушыларға қатысты күш көрсету, моральдық және психологиялық зорлық - зомбылық әдістерін қолдануға жол берілмейді; 4) патриотизм: Педагог өз Отаны-Қазақстан Республикасына, тарихына, дәстүрлері мен тіліне адал және сүйіспеншілікпен қарайды. Қазақстан Республикасының мәдени және тарихи дәстүрлерін сақтайды, бұл қатынасты білім алушылар мен тәрбиеленушілерге береді. 5) жалпыадамзаттық құндылықтарды құрметтеу және толеранттылық: жалпыадамзаттық құндылықтардың басымдығын мойындай отырып, педагог әрбір ұлттық мәдениеттің ерекшеліктеріне, құндылықтары мен қадір-қасиетіне құрметпен қарайды. Педагог ұлтаралық қатынастар мәдениетін тәрбиелейді, білім алушыларда жасына, жынысына, тіліне, ұлтына, дініне, азаматтығына, шығу тегіне, әлеуметтік, лауазымдық және мүліктік жағдайына немесе кез келген өзге жағдаяттарға қарамастан барлық ұлттардың және барлық адамдардың құқықтары мен қадір-қасиетін құрметтеуге оятады; Педагогтың толеранттылығы білім алушылар мен тәрбиеленушілерге, олардың ата-аналарына (заңды өкілдеріне) төзімділікті, олардың әлеуметтік, лауазымдық және мүліктік жағдайына, жынысына, нәсіліне, ұлтына, тіліне, дінге көзқарасына, мәдениетіне, нанымына, туған жері мен тұрғылықты жеріне төзімділікті, сондай-ақ жұмыста білім алушылар мен тәрбиеленушілердің кемшіліктерін түсіне және ескере білуді көздейді. Мұғалім мектеп ұжымында сенім мен Құрмет климатын қалыптастыруға ықпал етеді; 6) кәсіби ынтымақтастық: Педагог мамандықтың беделіне қамқорлық жасайды, әріптестерінің ар-намысы мен қадір-қасиетін құрметтейді, мұғалімнің беделіне нұқсан келтіретін іс-әрекеттерге жол бермейді. Қандай да бір нысанда өз әріптестерінің сенімін теріс пайдалануға, олардың кәсіби міндеттерін орындауына кедергі жасауға, оларға қандай да бір залал келтіруге жол берілмейді. Педагог әріптестеріне теориялық және әдістемелік шеберлік деңгейін арттыруға, шығармашылық қабілеттерін дамытуға көмек көрсетеді, қиын жағдайға тап болған әріптестеріне көмекке келеді. Кәсіби ынтымақтастық жалғандық пен әділетсіздікті ақтауға қызмет ете алмайды; 7) кәсіби дамудың үздіксіздігі: Педагог өзінің кәсіби шеберлігін, зияткерлік, шығармашылық және жалпы ғылыми деңгейін жетілдіреді. Бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі (25 мамыр)
https://mail.kz/ru/news/kz-news/pravila-pedagogicheskoi-etiki-utverdili-v-kazahstane#hcq=QPVxqrs
