2018 жылдың 29 наурызында Қарағанды қаласының «Абай» кітапханасында, Мемлекет басшысы Н.Ә. Назарбаевтың «Тәуелсіздік дәуірі». «Эра Независимости»  атты жаңа кітабының тұсаукесер рәсіміне байланысты дөңгелек үстел өтті.

     Қарағанды облыстық сотының сот төрағасы, тіл жанашыры Азбанбаев Марат Ақторғайұлы және «Болашақ» академиясының тарих пәнінің оқытушысы Алия Шоқан дөңгелек үстелдің қонақтары ретінде шақырылды.

     Елбасымыз Н.Ә. Назарбаевтың бұл еңбегі тарихи публицистика жанрында жазылған, қазақ және орыс тілдерінде басылған. Жаңа туындыда егемен мемлекетіміздің негізі қаланған күннен бастап, оның қалыптасу кезеңдерінің ерекшеліктері мен 26 жылдық тәуелсіздік дәуіріндегі ішкі және сыртқы сын-қатерлерді еңсеруге байланысты қабылданған шешімдердің мән-мазмұны мен егжей-тегжейлі баяндалады, сонымен қатар қазақстандық даму үлгісінің табиғаты мен дамуы, басты ұстанымдары мен қозғаушы күштері сараланған.