15 наурыз күні мектеп кітапханашылары, 5 «а» сынып оқушылары (с.ж.Гаппасова Ғ.Ж.) «Қарағанды қаласының ОКЖ» КММ № 29 филиалымен бірігіп кітапханада көктемнің ең бір көркем мерекесі – Наурыз мейрамын тойлады. Өте әсерлі де шаттық мерекесінде кітапхананың жас оқырмандары «Наурыз-ұлттың басын біріктіретін мереке» атты кітап көрмесі, қалыңдық пен күйеу жігіт мүсінімен танысты. Көңілді сайыстардан мықтылар анықталды. Викториналық сұрақтарға Серікова А., Ақынова А. белсенді жауап берді, бауырсақ жеу сайысынан Мұқатаев М.,білек күшін сынаудан Құлтайлақов Н., Ли Д. жеңімпаз аттанды. Наурыз дәстүрі бойынша дастархан жайылып, жас оқырмандарға № 29 филиалдың меңгерушісі Жанар апай наурыз көже үлестірді.Тәрбиелік мәні бар бірлікті ту еткен Наурызды осылайша барлық сән-салтанатымен атап өттік.
Contacts
