Шынайы  поэзия өкілі, ғажайып ақындардың бірі Мұқағали Мақатаевтың 87 жасқа толуына орай 9 ақпанда мектебімізде 5-7 сынып оқушылары, қазақ тілі мұғалімі Смағұлова Г., кітапханашылардың ұйымдастыруымен «Ғасыр ақыны» тақырыбында әдеби кеш, кітап көрмесі өтті. Мұқағали Сүлейменұлы қазақтың лирик ақыны, мұзбалақ ақын, өз заманында лайық бағасын ала алмаса да өзінен кейінгілер үшін биік ақиық ақын. Жас оқырмандар ақынның 1931 жылдың  8-ші наурызында Алматы облысы,Райымбек  ауданының Қарасаз ауылында дүниеге келген. Алайда, құжаттар бойынша ақынның туған күні 9 ақпанда тойланады.  Азан шақырып қойылған аты- Мұхаметқали. Қазақ радиосында диктор, «Қазақ әдебиеті», «Жұлдыз баспасында поэзия бөлімін басқарғанын білді. 45 жасында қайтыс болған Мұқағалидың  шығармалар  жинағы, «Аманат», «Өмір өзен» кітаптарындағы өлең-жыр – дастандары оқылды.  Оның туған жер, адам тағдыры, ақын мен ақындық, соғыс тауқыметі тақырыптағы лирикасынан сұрақтар қойылды. Поэзиясы қайталанбас ұлттық сипатта, ұлттық зермен кестеленгені айтылды.