Кеңес әскерлерінің Ауғанстан жерінен шығарылуының 28 жылдық қарсаңында ұйымдастырылған шараның жастар үшін тәрбиелік маңызы зор болды. Кездесуге Қарағанды қаласындағы  барлау тобының сержант–барлаушысы командирі Нүркеев Орал Амангелдіұлы, ВДВ нысанашы ефрейторы Севястъянов Александр Николаевич қатысып, оқушылармен сұхбаттасты.

 Кездесуде бұл соғыстың туындау себебін, сол кездегі Кеңес Одағының, оның құрамындағы Қазақстанның саяси және геосаяси ахуалы жайлы түсіндіріп, жауынгерлердің ерлігін ескерусіз қалдырмай, құрметтеп жүру қажеттігін баса айтты. Ардагерлер де Ауғанстан жерінде әр жылдарда қызмет атқарған жауынгерлер, майдан даласында қалған қарулас достары жайлы естеліктерімен бөлісіп, бүгінгі соғыс ардагерлерінің әлеуметтік жағдайы жайлы сөз қозғады.