2 қазан күні №5 орта мектепте өзін-өзі басқару күні өтті. Бұл күні оқушылар саптық жиынға тізіліп, 11 сынып оқушысы «мектеп директоры» Долгих Игорь осы күнгі болатын жоспармен таныстырды. Мұғалімдер 12 «а» сынып болып құрылып, сабақ кестесі бойынша алгебра, физика, химия, география сабақтары өткізілді.
Мектебімізде сабақтарды дублер-мұғалімдер өткізді. Мұғалім-дублерлердің негізгі міндеттерінің орындалуын мектеп әкімшілігінің міндетін атқарып жүрген Долгих Игорь,Мустафина Сабина,Бекжанова Камила қадағалады. Дублер-мұғалімдер өз сабақтарын өте қызықты және әдістемелік жағынан дұрыс, жоғары деңгейде өткізді. Оқушылардың көпшілігі таңқалғандарын айтты, олардың сын- пікірі бойынша мереке күні қызықтылығымен, әсерлігімен есте қалды. Өзін-өзі басқару күніне қатысқан барлық оқушылар өздеріне жағымды әсер және болашақ өмірде өздеріне біліктілік жинап, мұғалімнің жұмысының қаншалықты қиын екендігін түсінді.
Жұмыс күні оқушылардың күшімен дайындалған мерекелік концертпен жалғасты. Мерекеде ұстаздарды қалалық білім бөлімінің алғыс хаттармен мектеп директоры Өтемұратова Б.Қ. марапаттады.
Ата-аналар комитетінің төрағасы Ким Л.В. мен ата-аналар комитетінің мүшесі Акифьева О.А. ұстаздарды кәсіби мерекесімен құттықтады.
Contacts
