Қарағанды қаласы, №5 орта мектебінде «Қазақстанның Тәуелсіздік» күніне арналған «Жас Ұлан», «Жас Қыран» ұйымына қабылдау салтанатты жиыны өткізілді. Қабылданатын оқушылар «Жас Ұлан», «Жас Қыран» қатарына өтудің жауапкершілігі  мол екенін сезіне білді. «Жас Ұлан», «Жас Қыран» қатарына қабылданған оқушы мектептің қоғамдық жұмысына белсене араласып, сабақтарын үздік оқитын оқушылар. Осы ұйымға мектебіміздің  32  оқушысы қабылданды.

Салтанатты жиын Қазақстан Республикасының  әнұранымен ашылды.Бұл мерекеге мектеп  ұстаздары мен мектеп оқушылары және ата-аналар қатысты. Ұйымға қабылданушы оқушылар  «Өз Отаны – Қазақстанның патриоты болуға, «Жас Ұлан» ережесін, бұлжытпай, сақтап, өзінің достарынан соны талап ете отырып, Отанды сүюге салтанатты түрде ант берді.  Жас қабылданушыларға галстуктарын  тағып, кеуделеріне төс белгілері қадап берілді. Мектеп директоры Басира Қазбекқызы  сөз сөйлеп «Жас Ұлан», «Жас Қыран» ұйымдарына қабылданғандарды құттықтап, тілегін айтты. Салтанатты жиынның жабылу рәсімі «Жас Ұланның» әнұранымен аяқталды.